સામગ્રી :-
૧ લીટર દૂધ
૨ ટેબલ સ્પૂન રવો
૨ ટેબલ સ્પૂન ખાવાનો ગુંદર
૨ ટેબલ સ્પૂનઘી
૨ ટેબલ સ્પૂન ખાટું દહીં
૧ કપ ખાંડ
૧/૨ ટી સ્પૂન એલચીના દાણા
૧ જાયફળ
૧ ટેબલ સ્પૂન કાજુ, બદામની પાતળી કતરણ / છીણ
રીત :-
એક વાસણમાં દૂધને ઉકળવા મૂકો. થોડીવાર પછી તેમાં ખાટું દહીં ઉમેરો જેથી દૂધ ફાટી જશે. હવે તેને વધારે ઉકળવા દો. બીજા એક પહોળા વાસણમાં ઘી ગરમ કરો, તેમાં રવો નાખીને ગુલાબી થાય ત્યાં સુધી સાંતળો. તેમાં ખાવાનો ગુંદર ઉમેરો અને તે ફુલી જાય ત્યાં સુધી હલાવતા રહો. હવે આ બધું મિશ્રણ ઉકળતા દૂધમાં નાખી દો.
બીજી તરફ એક વાસણમાં ખાંડની પાણી વગરની ચાસણી બનાવો (કેરેમલાઈઝ કરી લો). ખાંડ બદામી રંગની થાય ત્યાં સુધી હલાવતા રહો અને ત્યાર બાદ તેને પણ ઉકળતા દૂધ, રવા અને ગુંદરના મિશ્રણમાં ઉમેરી દો. હવે આ મિશ્રણ ઘટ્ટ થાય ત્યાં સુધી ગેસ પર સતત હલાવતા રહો. છેલ્લે જાયફળ અને એલચીનો પાવડર કરીને આ મિશ્રણમાં ઉમેરીને ગેસ પરથી ઉતારી લો.
આ મિશ્રણ સાધારણ ઠંડું પડે એટલે તેના નાના ગોળા વાળીને ઉપરથી સહેજ દબાવીને પેંડા જેવો આકાર બનાવી લો. હવે તેના ઉપર કાજુ અને બદામની પાતળી છીણ અથવા કતરણ નાખીને દબાવી દો.
એકાદ દિવસ ઠરવા દીધા પછી જ પીરસો તો જ એનો સ્વાદ પકડાશે…. ઉપર જણાવેલા માપ પ્રમાણે કરવાથી ૧૫ થી ૧૮ નંગ બનશે.
આ દિવાળીમાં સ્પેશિયલ મીઠાઈ તરીકે બનાવો અને મજા લો….
Thank you for u r tasty recipe and they r very accurate and interesting and well presented.
please can u tell me how to make LAPSI…
thanks.
HAPPY DIWALI TO U..
NISHA PATEL
[LONDON]